Lidhja Demokratike e Kosovës ka marrë vendim që në asnjë mënyrë të mos hyjë në koalicion me PAN-in.

Burime të Gazetës Blic kanë theksuar se gjatë takimit te sotëm të Grupit Parlamentar të LDK-së ku kanë marrë pjesë edhe disa nga anëtarët e Kryesisë është marrë vendim për hapat e mëtutjeshëm të kësaj partie në lidhje me formimin e institucioneve.

Në këtë takim ështe thënë se nuk do të hyjnë në asnjë koalicion me PDK- AAK- NISMA. “Është marrë vendim se me asnjë mënyrë nuk do të hyjnë në koalicion me PAN-in”.

Ndërkohë, nënkryetari i LDK-së, Agim Veliu  ka thënë se ai nuk ka qenë pjesë e këtij takimi. Gjatë ditës së sotme është mbledhur edhe Aleanca Kosova e Re që është koalicion ne LDK-në.

Edhe kjo parti është njëzëri që nuk do të ketë koalicion me PDK. Ndërkohë, nga PAN vazhdojnë të thonë se i kanë numrat për formimin e qeverisë. Madje, sipas tyre Qeveria do të formohet brenda pak javësh. Deputeti i PAN-it, Daut Haradinaj tha dje se para datës 20 korrik do të formohet qeveria. Sipas tij, Qeveria Haradinaj të paktën do ti marrë 65 vota.